講開車仔，佢哋隊長泰利應該幾唔開心，事關佢早前睇中3間分別價值660,000鎊（約840萬港元、圖）、555,000鎊同埋527,500鎊嘅屋，但畀咗10%訂之後就唔見咗影，到期嗰日都唔肯畀錢，結果搞到俾發展商告，最終要嘔174萬鎊出嚟。對於呢位家財千萬嘅英格蘭國腳嚟講，百零二百萬鎊買樓真係濕濕碎，不過俾英國傳媒揚晒出嚟咁冇面，你話佢仲邊可能笑得出呀！