浮沉毒海一段日子嘅衞詩，早前趁書展出書講自己經歷，日前佢接受商台錄音訪問時，講起前男友關楚耀：「上一次聯絡係4月我生日，佢打畀我，但一直冇機會約食飯。」提到舊老闆黎明，衞詩就話：「希望佢有日原諒我，肯面對面見我。」主持人問衞詩當年吸毒時總共花咗幾多錢，佢話：「夾埋應該可以買到架車，唔知呀，可能係法拉利。」