黃曉明（左）日前去咗台灣同邱瓈寬過生日，前晚佢又再出動覓食，同行仲有四名友人。原來曉明好鍾意食台灣嘢，仲專攻啲奇怪食物，好似臭豆腐、豬血糕等，仲花咗900蚊新台幣，食足六個攤位，曉明話：「每年都要來台灣一次，很香，我已經感覺到自己已經在長肉啦。」曉明覓食時，見到七年前佢幫襯過、賣青木瓜絲嘅嬸嬸，兩人即時擁抱。