古天樂噚晚現身廣州出席一個時裝活動時，見佢拎住枴杖行路拐吓拐吓，原來佢噚日凌晨喺屋企樓梯踩空，搞到右腳十字韌帶又斷過，其實佢上次拍戲整傷過一次，但未完全好番，今次又傷多次，相信手尾幾長，下星期二原本佢要去北京出席《楊家將》開鏡禮，家可能出席唔到，今日佢會返港睇醫生，如果情況嚴重，可能會拍唔成呢部戲㖭！