香港地租金昂貴，新進設計師有好意念，亦難找平台面向公眾。幸好有香港設計中心舉辦一連三天的設計市集DesignMart，讓78個創作單位將作品公諸於世，買家又多個地方尋寶。今日率先介紹其中三強，一窺本地的新進創作力量。
記者：張文蕙
攝影：王文忠
Model：Betrys
場地提供：THECAVECREATIONWORKSHOP
嫩男手作 朽木重生
今次無私地將工作室提供作訪問場地的創作單位TheCave，入面住了班Cavemen實為白英奇設計學校畢業的嫩男。畢業後希望「搞啲嘢」，遂夾份在觀塘工廠大廈租下千呎工作室，Cavemen之一Jianchi表示：「起初工作室乜都無，資金又有限，咪去附近睇睇有咩可以回收再用，原來木板最易執，數量亦最多，就用晒嚟做傢俬。」木板有很多刺，須自行打磨，件件都是心機手作。創作則很隨心，執到張舊木枱，可能給拆骨再砌成一張椅，如客人想自訂款式也有商量，價錢面議。至於Cavemen於今次DesignMart的主打，首推一張以亞加力膠及舊木板製成的几仔，另一CavemenChau：「玻璃切面易爛唔靚，所以我哋改用成本較高嘅亞加力膠，几仔亦可當凳坐，有Style又實用！」此外，小記亦留意到Cavemen在大櫃面塗鴉，畫功亦挺精美，這種手藝亦賣！
THECAVECREATIONWORKSHOP
查詢：mailto:[email protected]
快樂女孩 甜美燈飾
另一創作單位MooDesign的阿Mo來自理大設計系，畢業不久，最叻做燈！今次的出品為以「四季」做主題的燈具，創作過程中最困難的非選料莫屬，經多番嘗試，最後發覺：「用環氧樹脂色彩較鮮明，又唔會溶化。」Mo所創作的燈飾，色彩明亮有如糖果般繽紛，如「SummerRain」顏色像啫喱，光影效果出眾。訪談間她更展示製作燈具的有趣小技巧，時而利用氣球來定形，時而用上製作朱古力薄片的甜品手藝來製作燈具細節，難怪製成品也份外浪漫甜美。
MooDesign
查詢： http://www.facebook.com/pages/Moo-Design# !/pages/Moo-Design/217648601611183
三個月不死 生態瓶
Delication創辦人CharlieKayi曾參與鐘錶珠寶、時裝配飾及可持續性環保的項目與產品創作。她說：「呢個玻璃瓶植物擺設能化成一個生態環境，這樣人人家裏都有一個綠色世界，希望更多人能因此更愛錫地球。」創作初期，玻璃生態瓶用的是回收的牛奶瓶，如今則改用水晶玻璃瓶，Charlie認為這樣會較通透，效果更佳。Charlie說會因應客人的要求放入配飾，如生日或結婚主題，而植物種類則因應季節而定。她又指，每個生態瓶只須噴少許水即可養活，若用家要旅行外出，將水份放至石仔位置，蓋上松木蓋，留少許位給氧氣流入，存活期可達三個月，好易打理咁話。
Delication
查詢：mailto:[email protected]
DesignMart2011
日期：7月29至31日11am-6pm
地址：九龍塘達之路創新中心72號
查詢：37938409