【香港書展2011之終極一戰】
o靚模們在書展結束前繼續鬥不停，Phoebe昨日谷胸殺入書展，揚言絕不會買死敵Jeana（何佩瑜）的寫真集，並再暗寸視其他對手是loser的Jeana打假波，還指Jeana是losel（即沒有價值的人）。另邊廂的Jeana則鳴金收兵，封胸賣口乖，指提起她的都是bestfriend，果真一時神一時鬼。
上圍甚勁的Phoebe昨聯同三位師妹齊殺入會展做最後衝刺宣傳寫真，四女分別坐名車到場，會展更安排廿名保安維持秩序，Phoebe性感谷胸，甫落車不慎露胸墊。她說是以市民身份購票入場，但不會買Jeana的寫真，最後因場面混亂，Phoebe只逗留五分鐘就離去。
Phoebe受訪時謂不想提Jeana以免幫她宣傳，但轉頭又暗寸她：「佢話我有異味，我個人衞生好，唔會有異味只有香味，佢口技咁好留番喺第二啲地方。」對於Jeana疑似露點，Phoebe說：「我贊同趙碩之講法，我哋真材實料只會逼爆衫，佢個胸真定假大家有眼睇。」
「佢幸災樂禍」
對於日前Jeana指其餘o靚模為loser，Phoebe說：「成班人冇話邊個loser，但我只見到一個不停講嘢嘅losel，係L-o-s-e-l（即沒有價值的人）。」她說並非以非禮一事做宣傳：「我唔係拍性愛片，覺得佢幸災樂禍，佢性感可以隨時畀人摸我唔係。」之後又寸Jeana網上一蚊團購寫真：「一係就免費一係就正價，好cheap囉。」
Jeana昨日則與Hidy於中環出席新城活動，她竟鳴金收兵封胸示人，並說：「寫真告一段落，我想對比大啲。」問Jeana是否酬勞高才露多些？她說：「唔係，我想休息吓，瞓吓覺，啲錢都袋咗落袋啦，動漫節再出嚟。」Jeana又謂近來很多人提起她：「好似多咗bestfriend咁。」又事先張揚昨晚慶功會寫道歉書給o靚模們，由Hidy代表收下，她說：「我會寫對不起，寸親你，希望佢哋接受。」
DaDa斥冇用腦
另外，趙碩之（Wylie）與DaDa昨相約在土瓜灣慶賀寫真大賣，DaDa更來一招腋下露胸圍。問兩人是否合力反擊？DaDa說：「今日書展最後一日，好多宣傳都完，我哋並非搞對抗。」講到跟Jeana交換寫真，Wylie發功：「我本書有DVD又加頁，佢嗰本一蚊就買到。」問DaDa會否擔心明天再被是非精搞？她說：「唔好講佢係是非精，每間公司都有宣傳手法，好佩服佢有勇氣講傷害人說話，都幾唔經腦去講。」
o靚模的一周書展戰終告一段落，Jeana的寫真集在場中賣出約30,200本，連同場外報攤共賣得近40,000本，至於Phoebe則報稱場中賣出逾40,000本，實行咬住死敵唔放。
採訪：王崇穎、楊潔雯、馬建華
攝影：黃偉雄
