阿根廷喺美洲國家盃8強止步，教練巴迪斯達（圖）自然成代罪羔羊，周二同阿國足總開會後，巴迪斯達正式被炒。其實呢期阿根廷國家隊教練，都好似走馬燈，「肥馬」馬勒當拿由08年做到10年，世界盃冇料到後，巴迪斯達先接手，結果1年唔夠又要走。盛傳前教練比爾沙，同巴拉圭現任教練馬天奴，最大機會接手，睇吓接任人又做唔做得長嘞！