林峯後日再上紅館開騷，雖然近日他被指搭上劉俐（藍莓），但前晚綵排時就未有受緋聞影響，並以一身藍色打扮示人，與藍莓認真合襯。將在個唱中勁歌熱舞的林峯更事先張揚會將底聲校大，奉旨在台上咪嘴，但他就死撐不是。
一連三場的林峯「Lightupmelive演唱會」將於後日開鑼，林峯到時會將chok樣搬上紅館舞台，前晚林峯到土瓜灣綵排個唱，並即場演繹《初見》一曲。頭戴藍帽及穿上藍色上衣的林峯未知是否因為最近與「美味天使」劉俐（藍莓）傳出緋聞，所以刻意以藍色服飾相襯。
今次林峯會首次開四面台，到時舞台上有不少機關，也會從外地搭建舞台運送來港，並會將舞台做到可以伸延至紅館山腰位置，令坐在中段位置的觀眾也能近距離見到林峯。
校大底聲
林峯直言個唱除了有爆破演出，更會爆衫引誘粉絲，由於今次他將在台上勁歌熱舞，問到是否擔心會爆胎時，他即說：「唔會，今次跳得好勁，噚日先學識晒啲step，自己擔心歌詞問題，因為又要跳舞。」
由於不少歌手在演繹快歌時都會咪嘴上陣以防甩漏，前晚林峯也自爆將底聲的音量校大一點，事先張揚會有歌聲墊底，奉旨咪嘴獻唱，不過他就死撐此舉非咪嘴，並說：「咪嘴冇意思，演唱會注重現場氣氛，我唔覺得咪嘴感覺會好啲，只係跟返原裝個底聲。」
此外，對於近日與藍莓傳緋聞，林峯表示沒有影響心情，他說：「乜緋聞呀？冇喇，自己專注力放喺演唱會度，因為係好多台前幕後工作人員嘅努力。」
採訪：卓寶花
攝影：葉君海