【本報訊】香港精神或許是這樣的：「相簿大王」馮廣發白手興家，晉身市值10億上市公司的主席；然而性格敦厚的他，18年前被姪兒奪權踢出公司後，旋即另起爐灶東山再起，詎料淡出之時，竟再被長女蠶食資金，要老來復出再戰江湖。如今，他艱苦堅守的東莞山寨廠，因被銀行緊揑財源而面臨停產。這位老商人，83歲了，仍然意志高昂，走上街頭與銀行抗爭，絕不言敗。記者：葉競科、陳兆剛
在東莞石龍鎮「意志高」紙品廠內，八旬高齡的馮廣發仍然每事親力親為，與工人留守破落悶熱的生產線工作，直至晚上8時許，馮才返回與民工同住的宿舍歇息。宿舍家徒四壁，倦極的馮不求娛樂，脫剩汗衫，坐在暗室蚊帳牀上，喘一口氣。
如犯人般被押離公司
這位落難富豪，在斗室中回憶事業由盛轉衰的歷程，「由我成立嘅紙品企業英發國際，上市時市值最高去到10億o架！但喺93年股東大會上，細佬同個姪突然將我、大女同二仔踢出董事局（見另稿）。畀親人出賣已經好慘，更難受係好似個犯咁，畀保安押住離開苦心經營咗38年嘅企業，嗰種傷心真係無法形容」。
馮廣發黯然把英發股份出售，套現3.8億，「當年將筆錢擺喺銀行，每日利息都5萬，生活無憂，但我冇嘢做就周身唔自在，決定再戰紙品市場，將公司改名做『意志高』，就係要激勵自己爭氣，唔可以輸畀背叛我嘅人睇」。
四名子女當中，馮廣發屬意長女美蓮接班。父女齊心下，意志高漸上軌道，每年生意額兩億，追上英發國際。馮感心願已了，97年在長女規勸下淡出，過着半退休生活。直至03年，他偶然得悉公司營運出了問題。
「原來喺我淡出之後，大女同二仔打我交畀滙豐銀行成立嘅基金主意，成3億幾，係我成副身家」。他說，大女成立多間離岸公司，不斷從基金轉移資金做私幫生意，他查出後壓住怒氣，勸女兒坦白交代，說可撇賬了事，但有人竟說「撇賬二、三千萬都唔夠」，不肯再談。
由這時開始，家散了一半，馮與長女及次子不相往來。提起長女，馮廣發又怒又悲：「如果法例容許，我真係想殺咗佢！唉……我自問對人謙厚，唔明點解一次又一次畀親人出賣！或者係我太着重培養個女做生意，忽略咗品德，我都有責任。」
性格堅毅的馮廣發其後重掌意志高，但他意志再高，也感嘆公司千瘡百孔，翻身不易。這五年來，公司面對客戶流失、無錢添置器材等困難，就算將民工裁減三分二，仍未能轉虧為盈，只能靠交託滙豐管理的基金「泵水」營運。
滙豐停簽支票將截糧
不過，滙豐方面早前突然停止簽署其公司所有支票，令業務接近癱瘓。據馮推算，手頭現金最多只夠再捱三個星期，約600名員工飯碗難保。面對「截糧」在即，馮廣發日前帶同公司員工殺上中環滙豐總行示威。「我將畢生資產交畀銀行，之前基金已經畀人侵吞，家仲要截糧。坦白講，呢筆錢本來就係我嘅，我人都未死，點解用自己嘅錢都要好似去乞咁陰功？」示威過後，滙豐及會計師樓答允今日與馮進行電話會議商討。
公司瀕臨末路，但更催人的是時代變遷。相簿、筆記簿、文件夾，如今一部iPad已搞掂。堅持留守，會否只是戀棧昔日光輝？馮廣發不同意：「以前紙品以外銷為主，家內銷大陸先係出路。我仲有好多大計，畀我過到呢一關，我相信仍然搵到錢，留畀老婆同埋仲留喺我身邊嘅兩個仔女！」