「成日見個女仔出入都係手腳瘀晒，原來係俾男友打，點解唔分手呢？」上水新勤街發生禁室培慾性虐事件，附近不少街坊得悉後，不約而同表示十分驚訝，他們指經常見男女事主爭執，但料不到該男子對女友如此狠毒。
有街坊形容，男事主其貌不揚，手腳有紋身，似足蠱惑仔；女事主「細細粒」，兩人遷入上址只有個多月，但已經常聽到他們爭執，「佢哋次次鬧交都將啲衫掟出門口」。街坊對兩人的印象都很差。
又有街坊說，每次見到女事主都是手腫腳腫的，當知道女事主疑被男友打傷後，有街坊說：「佢次次俾男朋友打完都死死氣跟個男友返屋企，都唔知點解，上個禮拜六先見佢拎住包麥當勞同男友返嚟。」對於今次事件，街坊都議論紛紛。
《蘋果》記者