容祖兒噚日去到銅鑼灣時代廣場，現身韓國當代藝術展開幕，祖兒話佢自己都係一件藝術品，仲有意將自己多年來演唱會造型拎去做藝術品，例如人像雕塑，仲要將身材升cup升到盡，唔介意負荷過重，瞓喺度都可以，最緊要畀到人一種藝術感。至於會唔會考慮影全裸藝術相，祖兒好開放話可以接受：「如果影外國出名嘅可以接受，自己仲有青春。」