小賭王何猷龍、合和太子爺胡文新再加上信和太子爺黃永光，三個富二代呢個暑假行埋搞邊科？唔係打冰上曲棍球、唔係開賭，亦唔係去投地起樓，而係夾錢送100個大學生去軍訓。
華華八到，以往只有中學生軍事夏令營，今年大學生都有份玩。教育局、解放軍駐港部隊同埋香港大學生軍事夏令營籌委會，8月初會搞個香港大學生軍事夏令營，呢3位富二代，就係個夏令營嘅sponsor。
前個星期，主辦單位經已揀咗100個學生出嚟，佢哋將會去到駐港解放軍部隊嘅軍營，一嘗當兵滋味，仲會參與步操、開槍等訓練，當然，仲會了解軍事常識。據聞反應超踴躍。
查實香港後生仔一直都有得玩呢個軍事夏令營，但只限中學生，搞手係前特首夫人董趙洪娉。至於嗰幾個富二代，見呢個活動可以增強後生仔紀律意識同埋鍛煉佢哋嘅意志，所以就發大嚟搞。
李華華
mailto:[email protected]