【模範生】很多人都覺得讀法律的人是十分嚴肅，不過正在英國修讀法律的模特兒馮詠雩（Fiona）卻是例外。專注拍廣告的Fiona明年大學畢業，她未有計劃畢業後成為法律界精英，反而希望趁年輕，全情投入模特兒行列，更視師姐熊黛林為目標。
於英國KeeleUniversity攻讀法律的模特兒馮詠雩，今年20歲，17歲開始已拍過不少廣告，包括麥當勞、中銀、維他奶和可口可樂，身高172cm的Fiona雖然不算模特兒標準身高，但勝在有身材、比例好兼有一張上鏡的臉孔，因此獲得不少廣告商垂青。
閉關三月溫書
Fiona日前接受訪問說：「出道三年，雖然只係趁長假返香港先接廣告，不過每次返嚟都好幸運，工作源源不絕。」拍過眾多廣告，印象最深刻是與容祖兒（Joey）合拍的麥當勞shakeshake薯條廣告，Fiona說：「Joey好友善，其實經理人Kim好支持我以讀書行先，有時間先接廣告，今年暑假都會喺律師樓實習一段時間。」
父親是生意人，母親則從事製衣業，於溫室長大的Fiona自言沒有被寵壞，皆因父母對她管教甚嚴，她說：「我係家中獨女，父母成日教我要努力讀書，要為將來籌謀，而且我身邊嘅朋友讀書成績都係好好，自己唔想俾人睇低，所以都好努力。讀law一啲都唔易，所以喺英國要閉關溫書，試過三個月足不出戶應付考試，返香港就可以盡情玩，我係workhardplayhard嘅人。」
毛遂自薦入行
多數模特兒入行都是由星探發掘，Fiona卻是毛遂自薦，她說：「17歲嗰年媽咪建議我做模特兒，所以我先至send自己啲相同資料畀模特兒公司，又做過freelancemodel，之後簽咗Style，我好鍾意師姐熊黛林，佢好有台型，屋企人都好支持我，只要我兼顧到學業，又唔影響返學就OK。我出年大學畢業，計劃放幾年時間做模特兒，等大一啲先入法律界發展。」
Fiona中學就讀名校瑪利曼，之後轉到SouthIsland國際學校，中七畢業去了英國升學，她說：「當時想入LondonSchoolofFashion讀設計，後來考到英國KeeleUniversity獎學金，先決定讀法律，雖然唔係Top10大學，但英國同香港有唔少法律界猛人都係呢間大學畢業。」
鞋癡搜羅Vintage
其實Fiona拍廣告並不是為錢，純粹為興趣，她說：「我真係好鍾意呢行，好好玩，又可以增廣見聞。我屋企財政都唔使我幫手，但零用錢唔太多，所以賺到錢多數買鞋，因為我係鞋癡，鍾意儲Vintage，最鍾意買AlexanderMcQueen、NicholasKirkwood同JefferyCampbell高跟鞋，屋企至少有60對鞋。」拍攝當日Fiona便出動私伙AlexanderMcQueen高跟鞋。
馮詠雩Profile
英文名：FionaFung
年齡：20歲
三圍：33、25、35
身高：172cm
學歷：英國KeeleUniversityYear2學生
曾拍廣告：麥當勞shakeshake薯條、中銀TVC、維他奶、奧運會可口可樂、Philips捲髮器（內地）、國泰七人欖球賽、MTR綠色生活
音樂電影陶冶情操
90後的馮詠雩，是名古箏高手，她說：「小學時父母想我學一樣樂器，不過我對鋼琴冇興趣，之後去咗睇中樂表演，發現對古箏有興趣，所以學到第八級。彈古箏可以陶冶性情，心情會平靜，有時間我都想考埋第十級，不過要努力惡補樂理。」
熱捧柯德莉夏萍
除了喜歡彈古箏，Fiona是名影癡，她說：「我乜電影都鍾意睇，無論新定舊，柯德莉夏萍（AudreyHepburn）嘅電影我大部份都睇過，另外寇比力克（StanleyKubrick）嘅《ClockWorkOrange》都係我心水。
「近排都有追電視劇，有留意《真相》，因為同自己讀嘅科目有關，劇情都幾好，仲會更加留意細節位。」
採訪：JessicaNgan
攝影：EdwardChou
髮型：Xenter
服裝提供：izzue