今年有份出書嘅傅穎（Theresa）完成喺香港書展嘅宣傳工作，日前佢又馬不停蹄去咗廣州出席簽名會。見到啲粉絲咁熱情，Theresa梗係開心啦，佢話：「好多內地粉絲喺微博度話嚟唔到香港買書，所以書展完咗，我就返咗廣州搞簽名會，遲啲仲可能去多幾個地方簽㖭，預咗要簽到手軟，不過最緊要本書銷量好，亦希望粉絲睇得開心。」