【本報訊】「當時佢由瀑布頂跌落嚟，成個人反轉伏喺水面，雙眼反白，無晒反應！」昨日與墮瀑布死亡IT精英曾有一面之緣的攀山教練陳先生，事後曾協助替事主急救，其後得悉事主死訊感到十分惋惜，想不到生命如此脆弱，希望死者家人節哀。
早年曾攀上龍珠瀑布的陳教練，昨晨帶兩女一男銀行職員訪龍珠瀑布。早上10時許，他們在瀑布底遇到死者鄭建基，「我哋睇住佢爬上石澗，佢向右行，我哋就向左行」，眼見事主身手矯健輕易爬上大石登上山崖，自己亦緩緩走山路登瀑布。
可是10分鐘後意外突然發生，陳教練聽到連環巨響，隨即見到事主跌落水潭昏迷不醒，陳與另一男子合力將事主救到岸上及嘗試急救，其間陳的友人亦趕至，但前額撞爆重傷的事主已全無知覺，當時其友人仍大叫「頂住呀」替他打氣，稍後由直升機送院，但證實死亡。