大美人林青霞出書hit爆書展，前中國女排玉女趙蕊蕊（圖）亦「處女下海」，推出首部科幻小說《末世喚醒》，昨午殺入會展舉行簽名會，呢位新才女話第2本小說已就快寫完，年底就會面世。留咗一束長髮嘅蕊蕊首次以作家身份現身會展一個鐘頭，簽咗約100個名，蕊蕊四萬咁口，簽名、拍照有求必應：「花了一年半時間完成這本心血，5月推出簡體版後，已送給前隊友和教練；現再出繁體版，我又會再送他們一人一本，請他們指教。」另一邊廂，蜘蛛女鄭麗莎（Lisa）亦獻出第1次，講童話故事畀十幾個小朋友聽，Lisa話講故仔要將聲線代入不同角色，難度好高，之前特別練足3日，仲迫朋友聽自己講故仔，真係用心良苦！