郭富城噚日喺上海以VIP車手身份出席「上海法拉利亞太挑戰賽」，特別提早一日到上海賽車場練習，喺排位賽得第八位。正式比賽首回合城城以第四名衝線，佢話：「我對架車未算好熟悉，有多啲時間練習一定有更理想成績。」下午舉行嘅次回合，城城同其他車發生碰撞，車頭損毀要退出，佢話：「安全為上，為慈善盡咗力就好喇。」