何嘉莉嫁給甜品少東做老闆娘後，修讀FineArts，更計劃與Moiselle太子爺陳柏熹（Harris）合資搞生意，主攻生活潮店，引入亞洲區新晉設計師的作品，日前二人便到銅鑼灣睇舖作準備。
何嘉莉年前退出英皇小花行列，下嫁甜品店少東做老闆娘，閒時客串做時裝styling，出席時尚活動，靜極思動，她正準備創業搞潮人生意。上周五晚，何嘉莉約了Moiselle太子爺陳柏熹到銅鑼灣白沙道、即徐濠縈開設的潮店所在，二人密密斟不時商討商店櫥窗佈置，又望樓上舖的位置。
自言有抱負
記者昨日電話聯絡Harris，問他是否和何嘉莉有合作大計，Harris爽快承認二人合資開生活潮店，他說：「我會以私人身份同佢合資，唔關Moiselle事，會以lifestyleshop形式，作一個平台引入亞洲新晉設計師嘅家品、時裝。英國都有好多呢類小店，大家都有少少抱負，唔係淨係賺錢。」
盼明年成事
Harris透露與何嘉莉認識三年，他說：「我上年同佢傾過呢個構思，佢有讀緊FineArts，出年畢業，同佢好好傾，好認同佢嘅taste。」問到是否選址銅鑼灣，他說：「唔方便講，我哋睇過好多地方，仲有中環九如坊、上環等，未決定，希望出年可以開舖。」
採訪、攝影：WongManShing、LoTakKwong