啱啱喺香港先生競選獲得最具演藝潛能大獎嘅黃建東聽日30歲生日，前晚佢喺蘭桂坊嘅97bar搞生日派對，出爐香港先生冠軍李晉強、上屆港男冠軍翟威廉同其他港男蕭家浩等都有出席，李晉強重猛叫壽星仔飲酒，話生日唔應該咁清醒。馮仁昭噚日問黃建東有冇飲醉，佢話幸保不失。至於生日願望，佢就話想搵番個女朋友。