以下係一位中國球迷在國足世盃外圍賽逆轉擊敗弱旅老撾一番微博留言：「我們贏了結果，但輸了過程；我們贏了5球，但被排名174位的球隊攻入兩球；我們贏了老撾，卻險些被老撾端了老窩；我們贏了對手，但卻輸了球迷；我們要總結不是下半場的6:0，要總結的是上半場的1:2；罵吧，誰都可以罵，但我不會，只是心痛，雖然我們贏了……」
國足下半場入6球
國足上個禮拜六最終7:2大勝弱旅老撾，但中國球迷們仍然對於上半場一度被世界排名174位嘅老撾攻入兩球而耿耿於懷。翻查記錄，這次是歷史以來，國足喺世界盃外圍賽中，被最低世界排名嘅球隊領先兩球嘅一次，所以就算反勝7球，亦洗唔去呢個比賽污點，尤其係第一個失球，對方入波球員身高只得1米55。
高洪波遙控變陣反勝
國足教練高洪波因為停賽關係，今場比賽只可以喺看台上遙控指揮，而佢亦主動提出喺賽後記者會現身，仲話如果只睇上半場，球迷們要佢落台嘅聲音絕對正確。不過，高洪波今場波都算救番自己，因為佢遙控決定調入楊旭同陳濤後備上陣，最終兩人合共轟入5球，成為球隊反敗為勝嘅功臣，亦不致於令高洪波喺外圍賽次圈首回合就玩完。
開70倍半全場「客主」
首回合領先5球，國足次圈出線就應該唔難，但次回合可唔可以再贏老撾，就真係唔敢講，話晒對手原來自從04年開始，主場一直未輸過，足足有成7年，雖然老撾所遇嘅對手實力有限，但亦證明有一定主場威力。至於今場外圍賽，足智彩亦有開盤，國足[-4]開1.75倍「主勝」唔出奇，但如果波友半全場買「客主」，真係執番唔少，因為有成70倍，而冷敲老撾100倍客W嘅波友，都叫做開心過，應該冇咩損失。
不過，就亦有球迷喺微博上這樣留言：「0:2落後，連追7球……上下半場完全兩隊，你說假不假？」我求大俠當然唔多作評論，留番畀球迷自行判斷囉！