Kay是一個幸福小師奶，老公張繼聰是她的快樂泉源，張家是她最大後盾。老公張繼聰在家身兼多職，是娛樂組長、牧師、心理輔導員、指導員、社工，他為了家中的問題少婦隨時候命，Kay覺得張繼聰是一個理想對象，當年奉子成婚，她依然無悔地說：「我覺得我人生做過一個好啱嘅決定，呢個就係其中一個。」
短劇發揮創意
Kay感謝由入行到結婚生仔，張生對她120分支持，她說：「我連出道都係向佢學習，我出道係啞，唔識答問題，嗰時做新人成日同佢行孖咇，佢永遠都係講先，畀機會我睇佢點做，等我知道點做，我好佩服佢，嗰時佢都係新人。」
孩子可以令人樂而忘憂，兒子張瞻的誕生，為Kay注入能量和生氣，基督徒未婚懷孕是事實，不過翻炒再翻炒，作用不大，而且事實根本不重要，勇敢面對，尊重生命，才是個可敬的人，事實證明，結果令人喜出望外。
現年4歲的張瞻，性格開朗，這個活寶貝最似爸爸，最鍾意搞笑，Kay笑說：「有一日佢諗咗個短劇，我哋食食吓飯，佢突然跳落地，拉開個櫃桶，拎咗副好黑嘅眼鏡出嚟，企喺我隔籬，然後話：『邊個熄咗盞燈呀？邊個熄咗盞燈？」個短劇做咗10秒，佢自己都忍唔到笑，我個仔仲同我講，我真係好鍾意搞笑。」其實開心是可以好簡單！