【香港書展2011之喜事臨門】愛好攝影的鄭文雅昨日為其相集舉行簽書會，最美麗港姐朱玲玲不僅為她寫序，昨日更現身撐好友場，令兩位冠軍級港姐可聚首一堂。對於屢傳長子霍啟剛今年迎娶郭晶晶，朱玲玲默認說：「希望係。」她更以準奶奶身份流口水謂想玩孫，是男是女都沒所謂。
港姐冠軍級人馬鄭文雅昨日在尖沙嘴為其以粵劇文化為主題的攝影集舉行簽書會，不少港姐好友撐場，當中包括最美麗港姐朱玲玲和趙雅芝等，猶記得日前眾o靚模在會展谷胸宣傳寫真，今次港姐冠軍級人馬出現，盡顯正氣清泉。
非洲影獅虎
鄭文雅除了得到不少好友撐場外，其夫婿虞哲揮更落力為她拍DV，連其四歲高球小學生也上台獻吻，鄭文雅希望這個慈善攝影集可籌得90萬，她說：「會捐畀三個機構，分別係中國戲曲發展基金、香港華人女子高爾夫球總會同香港運動攝影協會，希望捐啲書去中學同大學，等佢哋認識粵劇文化。」
同是攝影愛好者的朱玲玲為鄭文雅寫序，她更大讚鄭文雅說：「做得好好，影人好難，要捕捉個rightmoment好難，好佩服佢，自己就比較少影人，一路學習中。」
朱玲玲透露早前到了非洲度假兼影相，她說：「都係影獅子老虎，都希望再去，不過先生冇咁多時間，上次都係度到10日假期，可能出年先去到。」記者提議她叫三個囝囝陪，她笑說：「囝囝都同女友去，唔同媽咪去。」
講明恨抱孫
問朱玲玲其長子啟剛和郭晶晶是否今年結婚？她說：「希望係。」記者取笑她榮升奶奶，她說：「冇乜嘢，唔諗，始終都係，各有各忙。」問到希望啟剛生幾多個BB，朱玲玲說：「自己決定，我都係玩，佢哋係湊，男同女都一樣咁鍾意。」
採訪：顏英儀
攝影：陳順禎