甄子丹、金城武同湯唯主演嘅陳可辛新片《武俠》，前日喺台灣宣傳，而有份演出、早前輕微中風嘅王羽都有現身撐場。戲中甄子丹做佢個仔，王羽爆咗對方拍戲時嘅秘密，佢話子丹有一次因唔滿意武打演員嘅表現而爆粗話：「他媽的，甚麼武術冠軍，你們這樣，戲怎麼交給人看。」其實甄子丹一向出名緊張大師，相信大家都唔會怪佢。