「你（林瑞麟）執行力真係好差，唔衰攞嚟衰！」政府視建制派為橡皮圖章，在替補一役中，不論是原方案、修訂方案以至押後表決，建制派通通要歸邊支持，結果一眾保皇派議員昨在法案委員會上終於忍不住，輪流發火大罵政制及內地事務局局長林瑞麟。
林瑞麟經常形容五區公投是公民黨和社民連自編自導自演的鬧劇，工業界林大輝揶揄：「其實你（林瑞麟）又何嘗唔係一場鬧劇，分別只不過係佢哋有五個主角，你嗰部就只得你一個……你做清兵，心口掛個勇字，只識向前衝，搏晒命。人哋部戲你講得好清楚，票房慘淡，得17%投票率，但你部戲都唔見得好光彩，未上演就俾人要求押後演出，呢樣你都要好好檢討。」林大輝續說，他問過修訂方案是否不會再改，林瑞麟斬釘截鐵說是，他憤言：「你今日竟然可以推出四個方案，我真係想大笑四聲，哈哈哈哈！」他促林瑞麟趁諮詢期亡羊補牢。
林瑞麟反唇相稽，指林大輝「喺呢個舞台上演戲好有感情，好到位」，又說政府處理替補方案事與願違，是因為香港政局變化太快。
工聯會王國興要求林瑞麟澄清懸空議席的方案是否違反《基本法》：「如果多數人都支持方案四，支持一個唔合《基本法》嘅方案，政府點做呀？又再嚟過呀？唔好咁搞法啦，去年我提出（懸空議席），政府就話違法、唔採納，家又拎出嚟！香港唔可以折騰，折騰來折騰去，真係搞死！」
梁美芬又發「小懲大誡論」
專業會議梁美芬早前發表「懲罰選民論」惹來公眾抨擊，事後一直保持低調，昨日在會上卻又再指替補機制是「小懲大誡」杜絕議員辭職再參選。她被問到替補一役影響她的選情時，她說：「唔緊要啦，都係一種學習。」林瑞麟被追問會否向「瞓身」幫政府的梁美芬致歉時，笑言多謝每一個為政府絞盡腦汁的議員。
《蘋果》記者