「大哨」朗拿度有咗？大吉利是，只不過係佢近日同女友喺西班牙伊比薩島度假曬太陽時（圖），展示一個大肚腩，所以被指酷似有身孕。查實大家又唔應該着眼於佢個肚，話晒佢日後喺商界發展，靠個腦唔係靠個身形。之但係，同樣係球王，同輩嘅施丹、費高仲keep得好，大哨就差得遠，怕且同森巴兵天生愛享樂有關囉。