卡卡目前喺皇馬嘅前景好似一般，但係佢太太卡露蓮（圖）嘅事業就似乎越嚟越好，佢最近仲推出咗福音唱碟㖭！事緣23歲嘅卡露蓮喺舊年已開始喺自己網頁同埋youtube，發放自己作嘅福音歌曲，點知大受歡迎，據聞錄得200萬次下載。於是，佢決定肥水不流別人田，的起心肝出碟，仲係出雙CD連一張DVD㖭！喺唱碟中，當然唔少得佢丈夫卡卡客串唱番兩句啦！
