造型大膽百變、帶領全球樂壇潮流嘅美國女歌手LadyGaga喺樂壇掀起一陣Gaga熱潮，佢嘅行為往往令人驚嘆之餘，每次亮相都會絞盡腦汁以最前衛嘅形象示人，更加令到LadyGaga嘅風頭一時無兩。最近，Gaga熱潮滲入香港娛樂圈，有好幾位歌手藝人不約而同着住LadyGagaprinttee喺鬧市做出異常行為。究竟LadyGaga嘅影響有幾深入?家就等我哋一齊睇下實證示範啦！
引發班Artists異常行為嘅元兇，原來係潮牌TOUGHJeansmith同LadyGaga嘅一個跨國合作計劃；於全亞洲首次推出限量版聯名別注系列-TOUGHGagaCollection。大家都知TOUGHJeansmith同LadyGaga對時裝都充滿熱誠，今次合作可謂一拍即合，由概念設計到拍板採用，均經過雙方嚴謹審批。總共6款包括3男3女嘅限量版T-SHIRT均印上咗LadyGaga嘅經典造型，每件袖位都印上今季大熱嘅animalprint，再印埋“BORNTHISWAY-LADYGAGA”字樣。唔怪得之一出就引嚟咁大迴響，個個潮星都爭住着佢上身之餘，仲感染埋LadyGaga嘅“Bornthisway”精神做返自己盡顯真性情啦！
實證1
陳偉霆 不「涼」嗜好
早前我哋影到陳偉霆（William）喺車房又整車又洗車，三十幾度酷熱天氣下匿喺車房搞到身水身汗都唔捨得除低件LadyGagatee，問佢點解自己整車同洗車咁辛苦，佢話佢受到LadyGaga感染決定以真性情示人，因為鍾意車所以洗車整車都想自己一手一腳搞掂。
實證2
周秀娜 買靚衫唔買寫真
娜姐近日受唔少新o靚模威脅，為保地位佢近排頻頻出現喺潮店買衫，為求keep住靚靚形象留住fans。呢日我哋就影到佢着住LadyGagatee加hotpants喺TOUGHJeansmith揀衫扮靚，睇嚟佢想感染LadyGaga嘅超強FashionSense幫自己做個最潮嘅Styling。
實證3
關楚耀 大唔透？
關楚耀啱啱就俾我哋影到喺Mr.concert嘅後台做出神怪行為，佢見到擺音響器材嘅大箱突然走入去匿埋，完全不明所以，問佢點解要咁做，佢話自己件Tee上面個LadyGaga都係成日咁做o架啦，仲叫我哋唔好大驚小怪喎!?
實證4
少爺占 突然好認真
一向牙尖嘴利嘅少爺占，平時見佢嘻嘻哈哈唔多正經，但查實佢本身係一個非常勤力嘅創作人，同LadyGaga一樣百足咁多爪，又唱歌又做DJ又寫書，近排仲學人做埋生意，見佢喺自己office好認真咁度橋就知道佢對事業好有熱誠啦！
實證5
朱薰 變做煮飯婆
朱薰自從結咗婚後，除咗返電台做節目外就經常流連屋企附近街市買餸，但見佢着住件LadyGagatee去買餸好突兀咁，佢就話原來佢受左LadyGaga首新歌“Bornthisway”啟發，醒覺到煮飯婆先至係佢嘅終身職業咁話喎！
實證6
Donald 食零食減壓
Donald做電台節目都做咗好多年，佢話有日受到LadyGaga啟發，發現食零食係一個好好嘅減壓方法，上次見佢啱啱食飽飯臨開咪都要出去撳零食，就知道佢平日有幾大壓力啦！
實證7
杜如風 BeA瘋ROCKER
杜如風同LadyGaga一樣係出咗名瘋狂買衫嘅購物狂，言行舉止亦一樣咁出位。早排被人發現喺後樓梯自彈自唱，問佢點解咁做嘅時候，佢話Rocker都係咁匿埋作歌練歌架喎！睇黎佢除咗做主持同寫書之外，仲可以試下撈過界唱埋歌添。
實證8
梁祖堯 麻甩食麵
早幾日咁啱撞到祖堯喺街頭食麵醫肚，衣着打扮相當有型嘅佢同現場環境好大反差，神情落寞咁一個人喺度食麵，同LadyGaga同出一轍嘅藝術氣質滲晒出嚟，估計都係為嚟緊主演嘅舞台劇惆悵。
實證9
方皓玟 洗手間尋寶
酷愛自由需要空間創作嘅方皓玟，佢話佢同LadyGaga一樣（都唔知真定假?!）最鍾意嘅地方就係洗手間，好多時都會將自己匿埋喺洗手間諗野，覺得最安全最能釋放自己咁話喎！
ShopList
啟超道8號28826036/柏麗大道27363809/加連威老道27220038/西洋菜南街23771811/新世紀廣場22643880/始創中心26260688/新城市廣場26873111
Andalsoavaliableatbauhaus