「有冇手指參賣？」「冇喎！」《蘋果》記者昨午陪同朱氏夫婦到興隆對質。記者以顧客身份首先進店，向身穿白色Polo恤的光頭店員查問有否手指參售，他稱沒有。朱氏夫婦隨即入店內踢爆店員講大話，要求退款，記者亦即表露身份。當時參茸店內有四男兩女職員，其中一名坐櫃枱收銀機的女店員率先發難，力撐貨物是明碼實價，堅拒退款。
另一名較年老店員怒氣冲冲由店內衝出，企圖用手阻擋鏡頭不果：「你影乜呀……×你老母。」另一名四眼男店員則指罵朱氏夫婦：「你哋自己嚟就好啦，唔好叫埋佢哋嚟！」說時指着記者，並推記者出店外。其間再有一名惡形惡相穿恤衫男子從店後辦公室衝出，走近記者怒吼：「呢度係私人地方，你影乜呀？你叫咩名？」
稱無售手指參
另一邊廂，一名女店員拿起一罐奶粉作勢擲向記者，然後又笑盈盈地將罐放下說：「唔好喺度玩嘢呀！」她不斷提醒其他同事，「唔好同佢哋嘈，要平靜處理，唔啱講到啱」。擾攘數分鐘後，似是負責人的光頭男疑見勢色不對，走至收銀機拿出一萬元現金，退回給朱氏夫婦。「唔好嘈啦，家退返畀佢哋」。記者追問為何肯退款，光頭男只吐出一句：「我噚日唔喺度唔知乜事，佢哋要退就退啦！」再次把記者趕出店外，「走、走，我哋冇嘢講」。記者追問「手指參」是甚麼，曾回答無手指參賣的光頭男稱：「我唔想回應你個問題。」
雖然取回一萬元，事主心情仍未平復，朱先生拿着現鈔站在店外時感頭暈不適，又稱事件已令他們對香港購物天堂印象大打折扣，仍未決定繼續留港消費，還是縮短行程提早回湖南。
《蘋果》記者