吳君如噚日出現山頂蠟像館，但就唔係佢有蠟像展出，而係麥兜家族。君如曾經幫部動畫配音，所以被邀請做嘉賓。佢話自己遲啲都會有蠟像放喺展館，不過佢就為咗究竟用乜嘢造型製蠟像，搞到自己好頭痛，佢話拍過好多戲，唔想用其中一個角色嘅造型而抹煞咗其他角色嘅代表性。君如仲話唔想同陳可辛以夫妻檔造蠟像，唔係第時分手就煩。