兩位曾與林峯傳緋聞的陳嘉桓與梁嘉琪，昨日現身鑽石山出席亞洲網絡遊戲頒獎典禮活動，二人合照時表現尷尬，陳嘉桓表示雙方認識，她說：「唔熟，但唔會尷尬，唔會八人哋嘅事。」問到有否留意o靚模推出的寫真，她說：「冇留意，知有好多寫真，我都想以書迷身份去吓書展，佢哋個個都話自己健康。」記者問她是否暗寸o靚模寫真不健康，她說：「我係打功夫，我身體健康啲。」
梁嘉琪則指與林峯的緋聞搞笑：「一直同佢冇關係，唔係林峯杯茶，只不過同佢拍《回到三國》戲份多數一齊拍，傾談多啲，拍嗰時好開心，之前話我姣擒佢，搞到我俾朋友笑，都冇可能。」
採訪、攝影：ManKwokChun