日前喺微博爆出一段內地宅男女神楊棋涵俾人偷拍嘅片段，片裏面佢同被傳係謝霆鋒小四嘅有錢女李美熙互吻愛撫，兩個人上身除剩胸圍，塊面仲紅卜卜，唔知係咪已經飲醉咗，佢哋舌戰連場之後更互摷，周身摸乜都做齊，淨係睇片真係幾大膽。條片一出即刻引起公眾譁然，不過有心水清嘅人就質疑段片究竟係偷拍定係自我炒作，因為段片雖然極力營造偷拍feel，但片段不但有剪接過，影像清晰之餘仲有晒角度，話係偷拍真係好難說服人。
傳搞同性戀
其實內地o靚模風氣同香港一樣咁熾熱，仲要個個樣靚身材正，競爭咁大，想突圍出啲招數都無可厚非。
其實楊棋涵本身都成日俾網友人肉搜尋，佢之前喺內地做「足球寶貝」，憑魔鬼身材同貌似范冰冰俾人封做「小范冰冰」。不過佢嘅負面新聞越嚟越多，之前就傳過佢同李美熙去夜店尋歡，又有報道話佢係女同志，同拍寫真嘅女拍檔有曖昧關係。