周星馳同郭子健聯合執導嘅《新大話西遊之除魔傳奇》本月8日喺橫店秘密開機後，連日來都係拍緊空鏡同一啲臨記嘅戲份，到下月初舒淇先會正式埋位，前日星爺喺橫店一個漁村攞景開工，因天氣太熱，佢開工有時都會搵返頂草帽嚟戴。由於部戲有唔少特技場面，所以有啲室內場面佢都係拍藍佈景，方便後期再加工做特效。