喺禮拜日阿聯酋贏黎巴嫩6:2場友賽，用後腳射入12碼而俾人狂鬧嘅阿聯酋中場阿圭拿（圖）終於知衰，日前向全隊上下認錯。佢話：「我做錯咗，呢個係我嘅錯！我同大家道歉，對於自己做呢個行為真係好抱歉。我當時淨係想帶啲娛樂性畀大家。」阿圭拿料會俾阿聯酋足總停賽罰錢，但喺周末對印度嘅世盃外圍賽，佢都仲可以上陣。