【鋒芝變之腹背受敵】謝霆鋒與張栢芝離婚已成定局，整件事男的受外界同情，女的形象變得負面，連最近黃百鳴籌拍明年賀歲片《八星抱囍》起用《最強囍事》原班人馬，惟獨飛起栢芝。
張栢芝和謝霆鋒的5年婚姻玩完，雙方現已辦理離婚手續，對於孩子的撫養權與財產分配已取得共識，盡量避免鬧上法庭。栢芝在形象方面成為大輸家，去年黃百鳴監製的《最強囍事》以千萬酬金請她演出10日戲份，但今年再籌拍明年賀歲片《八星抱囍》，雖然沿用《最》片原班人馬，但就決定棄用栢芝。
據悉《八》片會有四生四旦，男主角是古天樂、甄子丹、黃百鳴和杜汶澤，女主角暫定劉嘉玲和閻妮，配古仔的不再是栢芝，黃百鳴的天馬公司發言人黃小姐說：「家劇本仲寫緊，除咗男主角定咗古仔、子丹佢哋四個外，女主角仲未定實，至於栢芝會唔會搵，要劇本出晒再決定。」
謝霆鋒探兩子
至於謝霆鋒昨日出席趙曾學韞創辦的「善學基金弱視工程」記者會，留鬚的霆鋒由助手和Mani陪同到場，受婚變困擾的他在台上一臉憂鬱，大擺chok樣，只間中聽到嘉賓說話才有笑容。
霆鋒呼籲說：「慈善機會一直喺我哋面前，睇我哋有冇把握同珍惜，可能有時忽略咗，弱視唔係難治療嘅病，但要同時間比賽。我好希望大家幫助我哋下一代小朋友，令佢哋重拾光明。」事前表明不會接受訪問的霆鋒，在記者會後迅速離開。
霆鋒約於3時50分驅車直駛陽明山莊看兩子，逗留一小時後，他又坐車返下榻酒店。記者問他兒子Lucas下月生日，會否提前為兒子慶祝？他說：「不會。」會否預先準備禮物？他也搖頭說不會。
此外，王晶昨日在沙田接受黃柏高訪問，栢芝和Lucas有份演出的電影《無價之寶》將上映，問王晶到時栢芝會否出席宣傳？他說：「唔知，宣傳唔係我負責，但Lucas一定唔會宣傳。」他正與剛為人父的鄭中基合作，有否見過其女兒？王晶說：「佢有畀相我睇，個女好得意，佢做老竇梗係開心。」
採訪：溫敏芝、彭琮然
攝影：陳俊強