愛日式漫畫遠高於美式，而美式漫畫中之超級英雄，多是從電影中認識。近年受電影影響，連帶以英雄們做主角的遊戲都開始受機迷喜愛。8月又有一套美國隊長《CaptainAmerica:TheFirstAvenger》電影上映，心急的機迷不用等，事關遊戲《CaptainAmerica:SuperSoldier》已經搶先推出！
記者：許福合
盾牌遠近適用
與其他遊戲層出不窮的武器不同，美國隊長最強武器就係盾牌，最勁係遠近都適用。埋身肉搏時可以抵擋敵人攻擊，甚至連子彈都可擋下來，再睇準機會出拳腳攻擊；敵人在遠方時，盾牌甚至可當作遠程攻擊，利用瞄準鎖定對方後，就可將盾牌當飛碟一樣擲出，而且仲好有威力，好多時可以一次過擊倒多個敵人！除咗當作武器外，好多場景都需要用到擲盾牌這招來過關，雖然部份場景都有預備固定大火力武器讓隊長過吓癮，但講到最實用都係背後嘅盾牌！
平凡人變英雄
遊戲同電影好相似，背景設定在《美國隊長》人氣正盛嘅二次世界大戰時期，主角StevenRogers滿腔熱血，打算上戰場支持吓國家！誰知體能平凡到肥佬，但出乎意料係反被睇中參加重生計劃，變成超級特種部隊，一切惡搞任務都會交畀佢，成為美國隊長！美國隊長唔會變身，更加唔識噴蜘蛛絲，只係「平凡」地有超人一等嘅體力、感應及耐力等特點，加上一個特製嘅招牌式大盾牌，就上戰場殺敵！
儲氣出超必
第一次玩時會發覺直接就已經開始遊戲，無教學版，立即就要上戰場！但其實操作一啲都唔難上手，除咗攻擊同空翻外，記得LT瞄準、RT出盾牌，就已經好夠用。當然有時遇到被圍攻或要打Boss，必殺技自然不可少，不過使用前要先儲滿左下角Meter先，初期一格一招式，及後更會出現兩格或四格超強必殺技，想一嘢KO對手絕對唔係幻想！除咗攻擊爽快之外，有敵人攻擊時仲會有提示，方便玩家立即拎出盾牌抵擋；但要留意盾牌防守狀態時不能移動，要掌握技巧在炮火下衝鋒陷陣就係關鍵！依劇情推進，仲會出現解密碼、裝炸彈等任務，可以升級能力及裝備，玩法都唔算單調。
電影版８月上畫
電影版《美國隊長：復仇者先鋒》將會在7月22日率先在美國上映，不過香港就要等到8月4日先有得睇，由ChrisEvans飾演隊長，故事同樣以二次世界大戰時期為背景。《CaptainAmerica》漫畫屬於Marvel超級英雄角色之一，於1941年正式出版，以打軸心國為題材，戰爭期間甚受美國人歡迎，甚至成為美國精神象徵。
Profile
主機：PS3、XBOX360
類型：動作
人數：1人
廠商：SEGA
