曼聯行政總裁基爾個仔奧利華基爾（右），上季攞咗曼聯預備組年度最佳球員，而且仲喺曼聯一隊對保頓同韋斯咸兩場波做後備，前途無限。之不過日前有報道話，呢位20歲嘅中堅拒絕咗曼聯提出嘅新合約，已計劃好行爸爸條舊路讀經濟，將會喺9月尾入讀杜倫大學㖭！雖然奧利華基爾冇打算喺曼聯發展足球事業，但若果第日入管理層同阿爸一齊搞好紅魔，都唔係壞事呀！