舒淇昨晚以全球代言人身份，在金鐘出席EmporioArmani新店開幕。舒淇表示已連續20多小時未睡，在場明顯呈現疲態。對於好友林熙蕾正懷B女，已有三名契仔契女的舒淇表示無意做B女的契媽，卻說笑指如果林熙蕾陀B仔，或可考慮與B仔發展忘年戀。
舒淇昨晚在金鐘出席EmporioArmani新店開幕，同場還有名模Jocelyn、王友良旗下的女模蔡恩珍及Anna。舒淇指早前為品牌往紐約拍攝新一輯廣告照片，日前又為台灣導演鈕承澤新片試戲，已連續20多小時沒有睡，十分疲累。
爆老友寸嘴
EA最新廣告拍攝場地是一廢棄工場，全場窗戶封鎖，十分有mood，問舒淇再冧莊為代言人，酬勞有否加碼？她笑說：「冇減我價已經OK。」
問舒淇在美國工作時，有否抽空探望正陀着B女的老友林熙蕾，她說：「冇時間呀。」再問她打算送甚麼禮物給好友？她笑說：「唔送啦，佢好寸，我同佢講我最近肥咗三、四公斤，點知佢就話：『我陀住BB七個月，都係重咗1.5公斤咋！』」
不宜契太多
再問舒淇會否與林熙蕾的B女上契？她說：「我已經有三個契仔契女，人哋話唔好契咁多，佢又唔係生仔，如果唔係叫佢等20年，可能有機會發展。」她指曾與年長自己十年的男士拍拖：「我好早熟，同齡嘅男人反而唔啱我。」
採訪、攝影：LoMui
