祥哥97年去世後，鄧家爭產風波持續十年，祥嫂與四子女感情決裂，至06年子女為祥嫂擺61歲大壽才破冰，雖然之後也傳過不和，但其實一家人早已破鏡重圓。
今日見到的祥嫂，外貌身材一點也沒變，更添了一份慈祥感覺，祥嫂表示開心的最大因素是子女已回到自己身邊，她說：「家啲仔女同孫時常返嚟，冇咗寂寞冇咗孤單感覺，仔女由我所生我所出，頑皮百厭都係自己仔女，骨肉親情，仔女邊有隔夜仇，嬲過就算，家大家會彼此溝通，有乜唔開心都過去咗。」
小艾：珍惜一齊嘅時間
祥嫂坦言與子女缺乏溝通，因她當年捨棄照顧他們，她說：「呢十幾年我首先檢討自己錯與對，一路以嚟我對佢哋有所疏忽，因為我太投入祥哥工作。」回想起可有後悔？她說：「冇得悔，一得梗有一失。」與子女曾為錢反目，這刻問祥嫂親情是否重要過錢？她立即說：「一定啦！」祥嫂現在嚮往平淡是福，她說：「包容同原諒囉，唔原諒佢哋內心都不忍，我唔包容佢哋亦對祥哥唔住，人誰無錯，亦唔一定佢哋錯晒。」一直陪伴祥嫂受訪的小艾，現在幾乎每天都會探媽咪，回望母女情再續，小艾說：「機緣巧合大家喺番埋一齊，大家都好珍惜一齊嘅時間。」小艾坦言與母親和好不是這兩年的事，只是不想太高調造成壓力。