皇馬喺上個禮拜六嘅熱身賽大勝洛杉磯銀河之後，教練摩連奴（圖左）都覺得班球員辛苦嘞，就喺禮拜日嘅上晝放佢哋假；佢自己亦都鬆一鬆，去咗洛杉磯一間商場度行街。之不過後衞沙治奧拉莫斯就冇咁開心嘞，因為喺同日下晝練波練咗20分鐘左右，佢就覺得個背脊唔係好舒服，自己行出場接受治療，暫時未知傷成點。