粵劇名伶林家聲噚日去到尖沙嘴出席「博精深新–林家聲藝術人生」展覽開幕禮，當中展出聲哥2,000件粵劇珍藏品，雖然患有柏金遜症嘅聲哥要坐輪椅代步，不過精神狀態唔錯。聲哥表示退休之後一直整理以往嘅戲服，當中以《樓台會》嘅蝴蝶裝最珍貴，佢解釋：「因為係太太幫我畫同配色。」聲哥講笑話要退休後先有機會欣賞到以往着過嘅戲服。