梅艷芳老媽覃美金嘅阿梅遺產官司連番敗訴，梅媽噚日繼續以唔認輸、打不死兼唔怕死精神，聯同寶貝仔梅啟明到中環滙豐總行門外鬧銀行同鬧政府，仲印埋宣傳單張，拉晒橫額，再用擴音機不斷大聲播放鬧人聲帶，滙豐同警方都有派出人員了解，但就冇干預同制止梅媽嘅抗議行為，梅媽話遲啲會幫阿梅出書，講述阿梅一生喎！