吳尊早前被傳在家鄉汶萊有個私生女，不過他一年裏留在汶萊的時間不足兩個月，經常中港台三地頻撲，四海為家的他，最近更被指有意在港置業，並帶父親到港幫手揀心水物業，同時又打算在港搞生意開麪包舖，但他就作出否認，並指自己沒有真正的家，非常可憐。
吳尊、古天樂、吳京、黃百鳴、閆妮及松明，昨日在紅磡出席新片《開心魔法》記者會，早前澄清並無私生女的台灣組合飛輪海前成員吳尊，最近有傳他有意在港置業定居，兼開舖賣麪包，連吳爸爸也專程來港與他揀樓，對此吳尊否認說：「冇睇樓，未有呢個諗法，爸爸只係嚟探我班，有一、兩個月冇見，所以嚟搵我，家好忙，我都希望有時間做生意，但只係啲人傳我開舖頭，不過我就真係好鍾意食麪包。」
難抽時間陪家人
雖然吳尊家鄉在汶萊，不過一年來也回不到家幾次，他自覺目前是四海為家，吳尊說：「好似冇真正嘅家好可憐，自己一年都冇兩個月陪屋企人。」
古天樂唔敢睇相
此外，以中國人身份成為日本年度魔術師的松明，在記招上表演魔術外，私底下也傳授了一招變戒指魔術給古天樂，古仔說：「拍戲時佢（松明）有變魔術畀我哋睇，頭先就教我點變戒指，好易學，係人都識。」問古仔將來求婚會否用變戒指方法？他笑說：「都好喎！」
戲中古仔演一位有預知能力的魔法師，他表示現實中既無第六感，亦不太敢求神問卜，他說：「風水就有睇過，但睇相就唔多，講得好就好啫，唔好咪有排驚？其實做人最緊要自己開心。」
採訪：魯萍
攝影：黃偉雄
