今年10月結婚嘅莫文蔚（Karen）前晚喺北京工人體育館參加音樂會演出，同場有張惠妹、孫燕姿同林憶蓮，大會仲請咗張敬軒做表演嘉賓。啱啱去完意大利嘅Karen，當晚獲安排坐喺一張巨型鑽石椅上，再升上半空唱甜蜜情歌《寶貝》，似係憑歌寄意送畀未婚夫。Karen話去意大利係籌備婚禮，佢仲話終於可以唔使俾人叫做黃金剩女。