近期頻頻主持無綫飲食節目的馬浚偉，今年也會推出新書《馬浚偉的自在飲食態度》，內容主要講述他多年的飲食心得及與眾分享滋潤湯水秘方，他本周六在會展舉行簽名會。
「可能我排埋一份」
對於o靚模被指攪亂檔而於書展止步，馬仔昨在電話中說：「如果本寫真係健康，唔係賣弄色情嘅，本身就唔係太抗拒，但我覺得都要尊重貿發局意願。劃分區域就最好，唔會太混亂。」
問馬仔曾否睇過寫真？他笑說：「咁我有睇過周秀娜第一本寫真，都OK嘅。不過新一批o靚模太多，我分唔到，全部都係英文名後面再加個英文字，唔清楚邊個打邊個。其實寫真都可以健康，鄭文雅以前都出過，性感得嚟健康，意識正面。」提到Jeana今年彈出，馬仔卻一頭霧水表示不清楚。有指若非o靚模禁入書展，恐令其他簽名會被忽視，馬仔即笑說：「可能我排埋一份呢！總之最緊要開心，唔好硬闖，唔好有衝突啦。」
採訪：夏琴