近日上海嘅氣溫同香港差唔多咁高，室外地方就更加酷熱，不過到現場欣賞喺室外進行嘅跳水項目，就唔怕睇到成身大汗，因為場館內設有降溫功能嘅噴霧設施（圖），各個噴霧設施設喺每排座位椅嘅前面，有一條氣喉噴出蒸氣降溫。中國體壇名將楊楊喺微博話呢個設施原本特設喺冰場上，估唔到跳水場館都咁貼心呢！