曾志偉同乖女曾寶儀噚日去到旺角朗豪坊，宣傳志偉代言多年嘅奇華月餅，志偉好驚喜話去到現場先知寶儀會一齊宣傳，佢話自從仔女入行後，反而多咗見面同相處機會，不過大家都係做娛樂圈，每逢過節都要工作，未曾有機會坐埋食飯，志偉話：「我老竇生日一家人一定會集齊慶祝，但我生日反而未必見到面。」寶儀就話：「佢連我生日都唔記得。」