鄭中基噚晚喺北京同梁詠琪拍新片《嫁個一百分男人》，佢話囡囡情況良好，但未改名。鄭中基話：「每分鐘都想知個女做緊乜，但答案都係瞓覺。以後收工返屋企會輪班做家務，因為阿女隔兩、三個鐘要飲奶，人奶、奶粉都有餵，抱BB感覺興奮又感動，好在個女生得似媽媽。」佢話嚟緊會減少工作照顧余思敏母女，但要等個女大啲先補辦婚禮。