本周三（20日）書展正式開幕，各路o靚模出動谷寫真，近日不停辣火頭的何佩瑜（Jeana），昨日與死敵之一趙碩之同台，依然不改其寸嘴本色，繼早前稱呼對方做老前輩後，昨日再寸趙碩之胸部下墮，跟Jeana媽相近。Jeana更向其他o靚模下戰書，歡迎她們到今日自己的活動踩場，一較高下。
趙碩之及Jeana這對死敵昨日雙雙出席鑽石山拉麪活動，首次正面交鋒的兩人均不敢怠慢，Jeana依舊以其34C不倒胸示人，而向來有34D岩石胸之稱的趙碩之，除以低胸大騷事業線之外，更刻意造出漏奶效果，搶去不少風頭。
趙碩之反嘲胸太誇
向來敢言的Jeana更直指趙碩之因胸部下垂才有漏奶效果，她說：「咁咪即係墮囉，唔得結實，我見我阿媽都唔結實，我個人就唔係好鍾意墮。」至於會否教對方不墮之謎，Jeana只說：「個bra拉好啲。」對於早前狂寸趙碩之，Jeana聲言不會因此而尷尬，表示有與對方打招呼，問到會否送寫真給她時，Jeana直說：「賣剩先送！」
慘被指是老前輩的趙碩之笑言未有動怒，她說：「我都係早佢半年出道，大家年紀差少少，好明顯就唔係話我亦唔相信係話我。」被對方狠批胸部下墮似媽咪級，趙碩之反指Jeana不是：「佢唔應該咁講，佢哋組合有個Mia都係媽咪，佢咁講即係侮辱朋友，我就唔方便回應。」趙碩之直指Jeana胸部誇張，但可能因此她才有自信心。
Rainbow再度領軍
Jeana經常撩是鬥非，問到趙碩之可覺得對方欠口德？她說：「我本身有量度，希望大家對佢大量啲。」趙碩之直言若對方有禮貌才考慮送寫真集給Jeana。
以胡心諾（Rainbow）為首的Donut及Fantasy，昨日也在雙魚星號舉行10人寫真集發佈會，書中Rainbow全裸上陣配合「火」的主題，她說：「我真係好鍾意玩火，我成日都煲蠟o架。」問到性感程度不及寸嘴Jeana，Donut成員Elke直指對方重口味，提到Alina僅以繩遮點最為大膽，她自言身材好要騷本錢。不過發現Rainbow在寫真中把「型」字寫錯。
另外，許穎昨日到旺角為寫真推出的app造勢，會否怕Jeana辣火頭辣着自己？許穎信心爆燈說：「佢怕我多啲，因為我太強，我有信心自己本寫真好賣過佢。」
採訪：王崇穎、
盧妹、李珮洳
攝影：仇志德、陳俊強