想像與現實往往有出入，駕駛哈利（HarleyDavision）電單車的原來不一定是愛招搖演嘢撩是鬥非之輩，先買哈利股票再買哈利鐵騎的金融人錢志健，自稱其對冲基金操盤人身份為「冷血操控手」，每天工作已經面對最刺激的數字上落，駕駛哈利時的他，角色則轉移為「阿伯車手」，享受的並非速度，而是馳騁公路時的自由。撰文：嚴祖莉
錢志健（Edward）從事金融界20多年，title是對冲基金操盤人，見盡全球高頻快閃交易，金融海嘯、雷曼事件他也置身場內，自稱「冷血操控手」的他，事業上「投資目的得一個，就係要達到最好嘅回報，唔係同股票談戀愛。」
先持股後買車
冷血操控手之所以又是哈利鐵騎士，原由又是投資，Edward說：「20年前喺北美洲做對冲基金經理，study嘅係強力品牌股票，哈利係世界上其中一隻強力品牌股票，87年喺美國上市，到今個月已經升咗125倍，我係先買哈利股票，再買電單車，對我嚟講，揸電單車只不過係生命中其中一樣嘢、係玩具。」
哈利鐵騎士都給人招搖過市、亡命飛車的形象，擁有價值20多萬、型號Dyna的Edward說：「完全錯！架車成600至800磅咁重，車速其實好慢，喺香港揸最快都係揸到110咪，我揸哈利唔係追求速度刺激，我嘅職業已經係面對全世界最刺激嘅上落，我揸哈利反而係想同刺激股票市場作出抽離，當係暫時disconnected，通常中午半市過後我會揸車入石澳，享受嘅係freedomoftheopenroad。」
自封阿伯車手
Edward續說：「不過揸哈利圈子中的確係有啲好極端嘅分子，香港有個group叫MadDog，個個紋晒身嘅，我哋玩埋呢班就純粹兜兜風、吹吹水，我哋當中有做金融、有做健身教練，仲有做牧師嘅，你可以話我哋錫身，亦可以叫我哋做『阿伯車手』。」
我是誰：金融馳騁行善扶弱
錢志健，90年代投身金融界，曾任全球最大型對冲基金ManInvestments地區主管，20年來每天就在高頻、快閃交易中度過，錢志健因接觸、買賣HarleyDavision股票其後才成為哈利車主，不志在鍊車，只志在「兜兜風、吹吹水」，並為《信報》撰寫專欄，結集成書《對冲心道》（左圖）。
同時錢志健發起成立Ride4Hope，與一班志同道合的車手朋友做慈善，角色是輔助較為人忽略的慈善團體如聯絡難民署、香港基督教更新會等，曾幫助近至香港上水古洞、油尖旺、遠至青海玉樹、柬埔寨等地區的弱勢社群及災民。