海底世界、令人大開眼界！不過想入門？由新手到考到潛水牌，真係等到頸都長埋。齋睇人哋拍低嘅Video的確唔夠過癮，想好似第一身咁喺水中游嚟游去，搵ROVPRO3E代勞就得喇，仲要半滴水都唔使濕！
水底直播
呢個替身名叫ROVPRO3E，佢原本只係一部線控小型潛艇，不過佢前方設有一個570線攝錄鏡頭，配兩個可調節量度嘅20W探射燈，你只須安坐船上，就可透過40米長嘅線纜，實時收看水中情況。至於操控方面，線纜連接「控制台」，台上設有兩支控制桿，左邊負責上下升降，右邊控制前後左右四個方向，即場測試發現反應極靈敏，感覺好似打機一樣。
76米潛力
潛水機械人VideoRayROVPRO3E除咗用嚟遊山玩水外，有時更會用來考古、調查之用，RMClub（ROVPRO3E擁有者）負責人表示，就連國家地理頻道都正在用同系列潛水攝影器材作拍攝用途。不過在香港的水域，一般只有20米水深，雖然未能運用到最深的76米潛力，但在十多米處已經有不少地方有珊瑚觀看，RMClub不定時舉行觀光團，所以唔一定要識得潛水先有得睇！
查詢：RMClub（25292298）
